கே: ‘கோயில்களில் உள்ள சிற்பங்கள் ஆபாசமாக இருக்கின்றன’ என்று பேசியதற்காக திருமாவளவனை பார்க்கும் இடத்திலெல்லாம் அடியுங்கள் என்று நடிகை காயத்ரி ரகுராம் பேசியிருப்பது பற்றி?
-நெய்வேலி க.தியாகராசன், கொரநாட்டுக்கருப்பூர்
திருமாவளவன்
ப: மாறுபட்ட கருத்தை _ அதுவும் ஆதாரங்கள் உள்ள ஒரு கருத்தைக் கூறியதற்காக அக்கிரகார அம்மாமிகள் இப்படித் துடிக்கலாமா? வன்முறையைத் தூண்டும் வழக்கு இவர் மீது பாய வேண்டாமா?
காலம் இப்படியே போகாது. நீதிக்கு வணங்க வேண்டிய பருவம் விரைவில் வரும். ஆடாதீர்! -_ அக்கிரகாரத்தவரே.
கே: பூட்டை உடைத்தவர், ஆட்டைத் திருடியவர், சிலையை எடுத்தவர், சிலையை உடைத்தவர் இவர்களுக்கெல்லாம் இ.பி.கோவின்படி தண்டனை கொடுக்கும் நீதிமன்றங்கள், உச்சநீதிமன்றம் _ பாபர் மசூதியை இடித்தவர்களுக்கு துணை போனவர்களுக்கு இ.பி.கோவின்படி தண்டனை கொடுப்பது இல்லையா? இவர்களெல்லாம் மேல்ஜாதிக்காரர்கள் என்பதாலோ! இதுபற்றி…?
– பெ.கூத்தன், சிங்கிபுரம்
பாபர் மசூதி
ப: இடித்த வழக்கு நடக்கிறது; பொன்விழாவை நோக்கி வேகமாக நகருகிறது, போதாதா?
கே: நடமாடும் பல்கலைக்கழகம், சுயமரியாதை இயக்க தளகர்த்தர், முன்னாள் அமைச்சர் மறைந்த இரா.நெடுஞ்செழியன் அவர்களின் நூற்றாண்டு விழாவினையொட்டி, அவர் சென்னை பெரியார் திடலில் நடைபெற்ற கழக விழாவில், தனது இறுதிப் பேருரை போன்று அமைந்த அவரது உரை, குறுந்தகட்டில் வெளியிடப்படுமா?
– மன்னை சித்து, மன்னார்குடி-1
இரா.நெடுஞ்செழியன்
ப: நிச்சயம் வெளியிடுவோம் சித்து!
கே: உடல் உழைப்பின்றிச் சிந்திக்கும் கூட்டம் உயர்ந்த வாழ்க்கை வாழவும், மாடுபோல் பாடுபடும் மக்கள் வறுமையில் வாடவும் காரணமாய் எதைக் கூறுவீர்கள்?
– கல.சங்கத்தமிழன், செங்கை
ப: ஜாதி தர்மம் _ ஜாதி முறை நீடிப்பு _ பார்ப்பனியம் மூலகாரணம்.
கே: எல்லோரும் ஒரே தேசம், ஒரே ரேசன் கார்டு, என்று கொக்கரிக்கும் காவிகள், “எல்லோரும் இந்தியர்கள்’’ என்று மதிக்காதது ஏன்?
– தமிழ்நேசன், மாதவரம்
சரத்பவார்
ப: ‘எல்லோரும் இந்தியர்கள்’ என்றால் பிடிக்காது. ‘எல்லோரும் ஹிந்துக்கள்’ என்றால்தான் பிடிக்கும் அவாளுக்கு!
கே: மகாராஷ்டிராவில் சரத்பவாரின் வியூகத்தை மற்ற மாநிலத் தலைவர்கள் பின்பற்றலாம் அல்லவா?
– மகிழ், சைதை
ப: நிச்சயமாக _ அடுத்து அரசியல் அத்திசை நோக்கியே நகரக் கூடும்!
கே: உலகத் தமிழ் ஆராய்ச்சி நிறுவனத்தில் இந்தி வகுப்பு எடுப்பது, அண்ணாவின் மொழிக் கொள்கையை நீர்த்துப் போக வைக்கும் செயல் அல்லவா?
– சசிக்குமார், வாணியம்பாடி
ப: அதைச் சுட்டிக்காட்டி, திரும்பப் பெற வைத்து விட்டோம் _ கவலைப்படாதீர்!
கே: ‘உண்மை‘ இதழின் பொன்விழா வருகிறதே! சிறப்புப் பதிவுகள் எதிர்பார்க்கலாமா?
– குணசேகரன், பெருங்களத்தூர்
ப: நிச்சயமாக! _ வாசகர்களை ஏமாற்றக் கூடாதல்லவா?
பிரியங்கா ரெட்டி
கே: ஒரு மருத்துவரையே வன்புணர்வு செய்து கொல்லும் நிலைக்கு நாட்டின் நிலை மோசமாகி வருகிறதே! தீர்வுதான் என்ன?
– புவியரசன், ஈரோடு
கே: தீர்வு _ என்கவுண்ட்டரில் முடிந்தது என்றாலும், நோயின் மூலத்தை அகற்ற உரிய நடவடிக்கையே சரியான தீர்வு.