அறியாமை
- உண்ண உணவில்லை!
எட்டாத இடத்தில்
காக்கைக்கு உணவு! - பக்தியுடன்
ஏழை ரசிகன்
கடவுள் வேடத்தில்
நடிகை! - சாலையில்
பகுத்தறிவுப் பகலவன் சிலை! அங்கே
ஆட்டுமந்தைகளாய்
பக்தர்கள் ஊர்வலம்! - சித்தர்களின் மூச்சுப் பயிற்சியும்,
தியானமுமாக
வேடதாரிகளாய்
பித்தர்கள்! - தன்னம்பிக்கை
இல்லாமல்
தும்பிக்கை மேல்
நம்பிக்கை வைத்தான் பக்தன்! - அறியாமை
நிறைந்தே இருந்தது!
பக்தனின் மனம்
கோவில் உண்டியல் போல! - கல்லடி பட்டான் தோழன்!
அது
கடவுள் இல்லை!
கல் என்று சொன்னதற்காக! - வீதி இருளகல மின் கம்ப
வெளிச்சம்!
ஜாதி இருளகல
பெரியார் சுடர்
வெளிச்சம்!
– போ.முத்துக்கிருட்டினன், வெள்ளக்கோவில்