எஸ். துரைக்கண்ணு
‘நீட்’டைத் திணித்திங்கே – பெருங்
கேட்டை விளைக்கின்றார்!
நாட்டை அழிப்பதுடன் – மாணவர்
நலனைக் கெடுக்கின்றார்!
பன்னிரண்டு ஆண்டுகளாய்
படித்ததை ஒதுக்குகின்றார்!
பயிற்சி வகுப்பென்றே – பணம்
பலகோடி ஈட்டுகின்றார்!
பள்ளிப் படிப்புடனே – முடிவைப்
பாமரர் எய்துவதோ?
பட்டம் பதவியெல்லாம் – மூன்று
பங்கினர் கொய்வதுவோ?
மக்களே தேர்ந்தெடுத்த
சட்ட மன்றமா?
ஒன்றிய பதிலாளாய்
உட்காரும் ஆளுநரா?
மக்கள் கேட்கின்றார்
மாற்றம் வரவேண்டும்!
மத்தியில் அதிகாரத்தை
மலைபோல் குவிப்பதா?
மாநிலத்தில் சுயாட்சி
மாண்பினைக் குலைப்பதா?
மாநிலப் பட்டியலில் – கல்வி
மறுபடியும் வரவேண்டும்!
மக்களே அணிதிரள்வீர்! – நம்
மாநில உரிமை மீட்க!
மாநிலத்தில் சுயாட்சியும் – அங்கு
மத்தியில் கூட்டாட்சியும்
மலர்ந்திடப் போராடுவோம்; – நல்ல
மாற்றம் உருவாக்குவோம்!