செப்பரும் ஈ.கம் செய்த
சிதம்பர னாரோ வாழ்வில்
ஒப்பிலா ஆற்றல் மிக்கார்;
உயர்வழக் கறிஞர் ஆனார்!
கப்பிய அடிமைப் போக்கைக்
கனன்றுமே களத்தில் நின்றார்!
கப்பலை வாங்கி ஓட்டிக்
கடியதோர் புரட்சி செய்தார்!
செக்கினை இழுத்தார்; கோவைச்
சிறையிலே கல்லு டைத்தார்!
மக்களின் தலைவர் காந்தி
மனத்தினில் நிறைந் திருந்தார்!
தக்கபோ ராளி ஆகித்
தனித்துவம் பெற்றார்! எல்லாச்
சிக்கலும், வளைத்த போதும்
சீர்மிக எதிர்த்து வென்றார்!
திருக்குறள் ஆய்ந்து கற்றுத்
தெளிவுரை விருந்தாய்த் தந்தார்!
இரும்புளம் படைத்தோர் தம்மை
எதிர்த்துமே போரைச் செய்தார்!
அருந்திறல் யாண்டும் எய்தி
ஆளுமைச் சிறப்பால் வாழ்வில்
பெரும்புகழ் கொண்டார் தம்மைப்
பீடுறப் போற்று வோமே!
