ராமர் பெயரில் ரியல் எஸ்டேட் கொள்ளை- சரவணா ராஜேந்திரன்

தோல்விக்குப் பிறகு ஏதோ ஒரு திட்டத்தோடு வாங்கிப் போட்ட நிலங்களை என்ன செய்வது என்று தெரியாமல் விழிக்கும் பா.ஜ.க. பிரமுகர்கள்;

அயோத்தியில் கோடிக்கணக்கில் நிலம் வாங்கிப் போட்ட பா.ஜ.கவினர்.

பைசாபாத் மக்களவைத் தேர்தலில் ஆளும் பா.ஜ.க. தோல்வி அடைந்து, இந்தியா கூட்டணி சார்பில் சமாஜ்வாதி கட்சி வேட்பாளர் வெற்றி பெற்றார். 2019 ஆம் ஆண்டு ரஞ்சன் கோகாய் தலைமையிலான அமர்வு தீர்ப்பு வழங்கியது முதல் அயோத்தியின் நிலத்தின் மதிப்பு பல கோடிகளைத் தொட்டது.

2019 நவம்பரில் ராமர் கோயிலை அனுமதிக்கும் உச்ச நீதிமன்றத் தீர்ப்பு முதல் மார்ச் 2024 வரை நிலப் பதிவுகள் பற்றி தனியார் அமைப்பு நடத்திய விசாரணையில், அயோத்தி மற்றும் அதை ஒட்டிய மாவட்டங்களில் குறைந்தபட்சம் 25 கிராமங்களில் நிலப் பரிவர்த்தனைகள் 30 சதவிகிதம் வரை அதிகரித்துள்ளன.

கோண்டா மற்றும் பஸ்தி இவை கோவிலின் 15 கிலோமீட்டர் சுற்றளவில் உள்ளன. இந்த ஒப்பந்தங்களில் பெரும்பாலானவை பா.ஜ.க. குடும்ப உறுப்பினர்கள் அல்லது கட்சிகள் மற்றும் அரசாங்க அதிகாரிகளுடன் நெருங்கிய தொடர்பு
டைய அரசியல்வாதிகளால் செய்யப்பட்டவை.

1. அருணாச்சலப் பிரதேச துணை முதல்வர் சவுனா மெய்ன்: இவரது மகன்கள் சவுகான்செங் மெய்ன் மற்றும் ஆதித்யா மெய்ன் ஆகியோர் அயோத்தியைப் பிரிக்கும் சரயு நதியின் குறுக்கே கோவிலில் இருந்து 8 கி.மீ. தொலைவில் உள்ள மகேஷ்பூரில் (கோண்டா) செப்டம்பர் 2022 முதல் செப்டம்பர் 2023 வரை ரூ.3.72 கோடிக்கு 3.99 ஹெக்டேர் நிலங்களை வாங்கியுள்ளனர்.
ஏப்ரல் 25, 2023 அன்று, 0.768 ஹெக்டேரை ரூ.98 லட்சத்திற்கு விற்றனர். ஆதித்யா மெய்ன் கூறுகையில், “சுற்றுலா வளர்ச்சிக்காக நிலத்தை வாங்கியுள்ளோம். நாங்கள் ஒரு ஹோட்டல் கட்டுவோம், மேலும் இயற்கையை ரசிக்கவும் செய்கி றோம் என்றார். இந்த ஆண்டு ஜூன் மாதம், புதிய அருணாச்சல அமைச்சரவையில் மெய்ன் மீண்டும் துணை முதல்வராகப் பதவியேற்றார்.

2. பா.ஜ.க. முன்னாள் எம்.பி. பிரிஜ் பூஷன் சிங்: இவரது மகன் கரண் பூஷன் நந்தினி இன்ஃப்ராஸ்ட்ரக்சர் நிறுவனத்திற்குச் சொந்தக்காரர், இது கோயிலில் இருந்து 8 கிமீ தொலைவில் உள்ள மகேஷ்பூரில் (கோண்டா) 0.97 ஹெக்டேர் நிலத்தை ஜனவரி 2023 இல் ரூ. 1.15 கோடிக்கு வாங்கியது. இந்த பார்சலில் இருந்து, அவர் ஜூலை 2023 இல் 635.72 சதுர மீட்டரை ரூ. 60.96 லட்சத்திற்கு விற்றார். ஜூன் 2024 இல் கைசர்கஞ்சின் புதிய பா.ஜ.க. எம்.பியாக கரண் பூஷன் தேர்ந்தெடுக்கப்பட்டார். பிரிஜ் பூஷன் மேனாள் தேசிய மல்யுத்தக் கூட்டமைப்பின் தலைவர் ஆவார். தன் மீதான குற்றச்சாட்டுகளுக்கு பிரிஜ் பூஷன் பதிலளிக்கவில்லை.

3. உபி போலீஸ் எஸ்டிஎஃப் தலைவர் கூடுதல் டிஜிபி அமிதாப் யாஷ் (அய்பிஎஸ்): இவரது தாயார் கீதா சிங் மகேஷ்பூர் மற்றும் துர்ககஞ்ச் (கோண்டா) மற்றும் கோவிலில் இருந்து 8-13 கி.மீ. தொலைவில் உள்ள மவு யதுவன்ஷ்பூர் (அயோத்தி) ஆகிய இடங்களில் 9.955 ஹெக்டேர் “விவசாயம்” நிலத்தை 4.04 கோடிக்கு வாங்கினார். பிப்ரவரி 2022 மற்றும் பிப்ரவரி 2, 2024. இவற்றில் மகேஷ்பூரில் 0.505 ஹெக்டேர் நிலத்தை ஆகஸ்ட் 16, 2023 அன்று ரூ.20.40 லட்சத்திற்கு விற்றார்.

4. உ.பி. உள்துறை செயலர் சஞ்சீவ் குப்தா (அய்பிஎஸ்): இவரது மனைவி டாக்டர் சேத்னா குப்தா, கோவிலில் இருந்து 14 கிமீ தொலைவில் உள்ள பன்வீர்பூரில் (அயோத்தியில்) 253 சதுர மீட்டர் குடியிருப்பு நிலத்தை ஆகஸ்ட் 5, 2022 அன்று ரூ. 35.92 லட்சத்திற்கு வாங்கினார். அவர் இதனை விற்றுவிட்டார்.

5. உ.பி கல்வித் துறை இணை இயக்குநர் அரவிந்த் குமார் பாண்டே: இவரும் இவரது மனைவி மம்தாவும் கோவிலில் இருந்து 7 கி.மீ தொலைவில் உள்ள ஷாநவாஸ்பூர் மஜாவில் (அயோத்தி) 1,051 சதுர மீட்டர் “குடியிருப்பு” நிலத்தை ஜூன் மற்றும் ஆகஸ்ட் 2023 க்கு இடையில் ரூ.64.57 லட்சத்திற்கு வாங்கியுள்ளனர். பாண்டே ஊழல் குற்றச்சாட்டுகளை எதிர்கொண்டு இடைநீக்கம் செய்யப்பட்டுள்ளார். அவரது மனைவி மம்தா பஸ்தியில் பா.ஜ.க. தலைவராகவும், 2022 இல் அயோத்தியில் திறக்கப்பட்ட தி ராமாயண ஹோட்டலின் நிருவாக இயக்குநராகவும் உள்ளார். “இந்த நிலம் ஹோட்டலுக்கு அருகில் உள்ளது.

6. ரயில்வே துணைத் தலைமைப் பொறியாளர் மஹாபால் பிரசாத்: இவரது மகன் அன்ஷுல், கோவிலில் இருந்து 7 கி.மீ. தொலைவில் உள்ள ஷாநவாஸ்பூர் மஜாவில் 0.304 ஹெக்டேர் “விவசாயம்” நிலத்தை 2023 நவம்பரில் மற்றொரு தனிநபருடன் இணைந்து ரூ.24 லட்சத்துக்கு வாங்கினார்.

7. கூடுதல் எஸ்பி (அலிகார்) பலாஷ் பன்சால் (அய்பிஎஸ்): ஓய்வுபெற்ற இந்திய வனப் பணி அதிகாரியான இவரது தந்தை தேஷ்ராஜ் பன்சால், கோவிலில் இருந்து 15 கி.மீ. தொலைவில் உள்ள ராஜேபூர் உபர்ஹரில் (அயோத்தியில்) 1781.03 சதுர மீட்டர் “குடியிருப்பு” நிலத்தை ஈஸ்வர் பன்சாலுடன் இணைந்து 67.68 லட்சத்திற்கு வாங்கினார். டெல்லியில் 2012இல் நடந்த மாநகராட்சித் தேர்தலிலும், 2013இல் நடந்த சட்டமன்றத் தேர்தலிலும் ஈஸ்வர் பன்சால் காங்கிரஸ் சார்பில் போட்டியிட்டார். பலாஷ் பன்சால் அயோத்தியில் மே 26, 2022 வரை பணியமர்த்தப்பட்டார்.

8. எஸ்பி (அமேதி) அனூப் குமார் சிங் (அய்பிஎஸ்): இவரது மாமியார் ஷைலேந்திர சிங் மற்றும் மஞ்சு சிங் ஆகியோர் செப்டம்பர் 21, 2023 அன்று கோவிலில் இருந்து 9 கி.மீ. தொலைவில்
உள்ள துர்ககஞ்சில் (கோண்டா) 4 ஹெக்டேர் விவசாய நிலத்தை ரூ.20 லட்சத்திற்கு வாங்கினார்கள்.
இதற்கும் (நிலம் வாங்குவதற்கும்) எனக்கும் எந்த தொடர்பும் இல்லை என்று அனூப் சிங் கூறினார்.

9. உ.பி.யின் முன்னாள் டிஜிபி யஷ்பால் சிங் (அய்பிஎஸ் ஓய்வு): கோவிலில் இருந்து 14 கி.மீ. தொலைவில் உள்ள பன்வீர்பூரில் (அயோத்தி) 0.427 ஹெக்டேர் விவசாய நிலத்தையும், 132.7137 சதுர மீட்டர் குடியிருப்பு நிலத்தையும் டிசம்பர் 2020 முதல் செப்டம்பர் 2023 வரை ரூ.73 லட்சத்திற்கு வாங்கினார். இவரது மனைவி கீதா சிங், பல்ராம்பூர் மேனாள் சமாஜ்வாதி எம்.எல்.ஏ. எங்களுக்கு அங்கு நிலம் இருந்தது, புதிதாக வாங்கியது சிறிய மனைகள் என்றார்.

10. முதன்மை தலைமை பணியாளர் அதிகாரி (வட மத்திய ரயில்வே) அனுராக் திரிபாதி: இவர் 2017 முதல் 2023 வரை சி.பி.எஸ்.இ. செயலாளராக இருந்தார். இவரது தந்தை மதன் மோகன் திரிபாதி 1.57 ஹெக்டேர் “விவசாயம்” நிலத்தையும் 640 சதுர மீட்டர் “குடியிருப்பு” நிலத்தையும் கோட்சராய் (அயோத்தி) இல் 2.33 கோடிக்கு. வாங்கினார். கோவிலில் இருந்து 15 கி.மீ தொலைவிலுள்ள மார்ச் 15, 2023 அன்று, மதன் மோகன் திரிபாதி 1.2324 ஹெக்டேர் நிலத்தை அவர் செயலாளராக இருக்கும் வித்யா குருகுலம் கல்வி அறக்கட்டளைக்கு மாற்றுவதற்கான ஒப்பந்தத்தில் 3.98 கோடி ரூபாய்க்கு கையொப்பமிட்டார்.

11. ஹரியானா யோக் ஆயோக் தலைவர் ஜெய்தீப் ஆர்யா: இவர் கோவிலில் இருந்து 6 கி.மீ. தொலைவில் உள்ள மஜா ஜம்தாராவில் (அயோத்தியில்) 3.035 ஹெக்டேர்களை நான்கு பேருடன் சேர்ந்து ஜூலை 12, 2023 அன்று ரூ.32 லட்சத்திற்கு வாங்கினார். இவர் பாபா ராம்தேவின் முன்னாள் கூட்டாளி ஆவார், மேலும் யோக் ஆயோக் ஹரியானா அரசால் அமைக்கப்பட்டது. மற்ற நான்கு வாங்குபவர்களில் ஒருவர் ராம்தேவின் பாரத் ஸ்வாபிமான் அறக்கட்டளையில் இருக்கும் ராகேஷ் மிட்டல் ஆவார்.
(தொடரும்)