பரம ஏழைகளான அந்தியோதயா குடும்ப அட்டைதாரர்களுக்கு மாதந்தோறும் 35 கிலோ அரிசி இலவசமாக வழங்குவோம்.
தாய்மார்களின் சிரமங்களைக் குறைக்க கிரைண்டர் அல்லது மிக்சி இலவசமாக வழங்குவோம்.
நகரங்களில் நடுத்தர மற்றும் குறைந்த வருவாய் பிரிவினருக்கு குறைந்த வாடகையில் குடியிருப்புத் திட்டம் செயல்படுத்துவோம்
முதியோர் உதவித் தொகையை 500 ரூபாயிலிருந்து 750 ரூபாயாக உயர்த்துவோம்.
கர்ப்பிணிப் பெண்களுக்கான நிதி உதவியை 6 ஆயிரம் ரூபாயிலிருந்து 10 ஆயிரம் ரூபாயாக உயர்த்துவோம்.
திருமண நிதி உதவியை 25 ஆயிரம் ரூபாயிலிருந்து 30 ஆயிரம் ரூபாயாக உயர்த்தி வழங்குவோம்.
கலைஞர் வீடு வழங்கும் திட்டத்தின் கீழ் உதவி மானியம் 75 ஆயிரம் ரூபாய் என்பது ஒரு இலட்சம் ரூபாயாக உயர்த்தப்படும்.
மகளிர் சுய உதவிக் குழுக்களுக்கான கடனுதவி ரூ.2 லட்சம் மானியத்துடன் 4 லட்சம் ரூபாயாக உயர்த்தி வழங்கப்படும்!
கல்லூரி மாணவர்களுக்கு இலவச மடிக்கணினி! முதல் பட்டதாரிகளுக்கு அரசுப் பணிகளில் முன்னுரிமை.
குடும்ப அட்டைதாரர்களுக்கு மாதம் ஒன்றுக்கு ஒரு கிலோ அயோடின் கலந்த உப்பு மானிய விலையில் வழங்குவோம்.
மகப்பேறு விடுப்பு 3 மாதங்கள் என்பது 4 மாதங்கள் என உயர்த்துவோம்.
உயிர் காக்கும் உயர் சிகிச்சைக்கான கலைஞர் காப்பீட்டுத் திட்டத்தைத் தொடர்ந்து செயற்படுத்துவோம்.
ஏழை மீனவர்களுக்கு புதிய காப்பீட்டுத் திட்டம்.
மூத்த குடிமக்களுக்கு அரசு உள்ளூர் பேருந்துகளில் இலவச பஸ் பாஸ்.
வறுமைக்கோட்டிற்குக் கீழ் உள்ள குடும்பத்தினரை – வறுமைக் கோட்டிற்கு மேல் வருவாய் உள்ளவர்களாக உயர்த்துவோம்.
பொதுமக்களுக்கான சேவைகளை வழங்க வட்ட அளவிலும், கோட்ட அளவிலும் சேவை மய்யங்களை ஏற்படுத்துவோம்.
நீதி மன்ற மொழியாக தமிழை அறிவிக்க மத்திய அரசை வலியுறுத்துவோம்.
கல்வியை மாநிலப் பட்டியலில் சேர்க்க அரசமைப்புச் சட்டத் திருத்தம் கோருவோம். 8 கந்து வட்டி கொடுமை நீங்க வழி காண்போம்.
நெசவாளர்கள் கச்சாப் பொருள்களும், முதலீட்டுப் பொருள்களும் பெற கூட்டுறவுக் கடன்களை வழங்குவோம்.
தலித் கிறித்தவர்கள் தாழ்த்தப்பட்டோர் பட்டியலில் இடம் பெற மத்திய அரசிடம் வலியுறுத்துவோம்.
தாழ்த்தப்பட்டோர் மற்றும் மலைவாழ் மக்கள் நல ஆணையம் அமைப்போம்.
சாக்கடைகளைச் சுத்தம் செய்வோருக்கு வேறு மாற்றுப் பணி வழங்கிடுவோம்.
திருநங்கைகள் வாழ்வில் ஒளியேற்ற தனியாக சுய உதவிக் குழுக்களை அமைப்போம்.
சில்லறை வணிகத்தில் அந்நிய முதலீடுகளை அனுமதிக்கக் கூடாதென மத்திய அரசை வலியுறுத்துவோம்.
அரசு அலுவலர்களின் குறைகளைக் களைய நிரந்தரஆணையம் அமைப்போம்.
பள்ளி மாணவர்களுக்கு இரண்டு சீருடைகள் என்பதற்குப் பதிலாக மூன்று சீருடைகள்.
சென்னை மெட்ரோ ரயில் திட்டத்தை விரிவுபடுத்துவோம்.
மதுரை,கோவையிலும் மெட்ரோ ரயில் திட்டம் செயல்படுத்தப்படும்.
சிறுபான்மையினர் நடத்தும் கல்வி நிலையங்களுக்கும், வழிபாட்டுத் தலங்களுக்கும் பாதுகாப்பு வழங்குவோம். இஸ்லாமியர்களுக்கான இட ஒதுக்கீட்டளவை உயர்த்துவதுபற்றிப் பரிசீலிப்போம்.
2006-_2009 வரை பெறப்பட்ட கல்விக் கடனுக்கான வட்டியை அரசே செலுத்த பரிசீலிக்கப்படும்.
அனைத்து மாவட்டங்களிலும் பல்கலைக்கழகங்கள், அரசு பொறியியல் கல்லூரிகள், செவிலியர் கல்லூரிகள் அமைக்கப்படும்.
கைத்தறி நெசவாளர்களுக்கு 200 யூனிட் வரை இலவச மின்சாரம்.
இலவச மின்சாரத்தை தென்னை வளர்ப்பு, தோட்டக்கலைப் பயிர்களுக்கும், மர வகைப் பயிர்களுக்கும் விரிவுபடுத்துவோம்.
படித்த இளைஞர்கள் வேலைவாய்ப்பைப் பெறுவதற்குத் தேவையான தகுதியை உருவாக்க மாவட்டம் தோறும் சிறப்புத் திறன் மேம்பாட்டுப் பயிற்சி மய்யங்கள் அமைக்கப்படும்.
