தனி ரக புதுக்கவிதை

சர்வ மதப் பிரார்த்தனையா?

-”ஊர் சுற்றி கவிராயர்”

 

1.            ஏசுபெருமானே,

                நீங்கள் ஒரே ஒரு சிலுவையில்

                அறையப்பட்டீர்கள் – பிலாந்து மன்னனால்

                இங்குள்ள கிறித்தவரான நாங்கள்

                பன்னூறு சிலுவைகளில் நாளும் அறைப்படுகிறோம் – காவி ஆட்சியில்

                மீண்டும் உயிர்த்தெழுவோமா – 2019இல்?

 

2.            நபிகள் நாயகமே,

                உங்களை மெக்காவிலிருந்து மெதினாவுக்கு

                அறியாமையாளர்கள் கல்லால் அடித்துத் துரத்தினார்கள்

                இன்று இஸ்லாமியர்களாகிய எங்களை பழைய

                ஒடிந்த வில்லாலும் சொல்லாலும் அடித்து

                விரட்டப் பார்க்கின்றனர்

                விமோசனம் – 2019இல் தானா?

 

3.            இந்துக்களே,

                ஒன்று சேருங்கள் –

                முஸ்லிம் கடைகளில் சாமான் வாங்காதீர்

                – பலமாகக் கேட்கிறது இந்துத்துவாக்களின் குரல்!

                உண்மையில் ஹிந்துக்கள் பலரும் ஜாதியை

                ஒழிக்க ஒன்று சேரவில்லை

                பிறகு… ஒன்று சேர்ந்தார் – டாஸ்மாக் கடைகள் முன்பு! சரியா?

 

 காந்திக்கு காவிகளின் சாந்தி பஜனை

“ரகுபதி ராகவ ராஜாராம்

பதித்த பாவன சீத்தாராம்

ஈஸ்வர அல்லா தேரே நாம்

இவற்றை பஜனைக்காகவே பாடினோம் –

துப்பாக்கியைத் தேடினோம் – வெற்றியை நாடினோம்

மீண்டும் கூடினோம் – காந்தி பஜனைப் பாட!