- குடிபோதையில் வாகனம் ஓட்டினால் 2 ஆண்டு சிறை தண்டனை, ரூ.5ஆயிரம் அபராதம் விதிக்கும் வகையில் மோட்டார் வாகன சட்டத்தில் செய்யப்பட்டுள்ள திருத்தத்துக்கு மத்திய அமைச்சரவை மார்ச் 1 அன்று ஒப்புதல் அளித்தது.
.jpg)
- பா.ஜ.க.வின் முன்னாள் அமைச்சர் ஜனார்த்தன ரெட்டி மார்ச் 2 அன்று ஆஜராக வந்தபோது, பெங்களூரு சிட்டி சிவில் நீதிமன்றத்தில் பத்திரிகையாளர்கள் மீது வழக்கறிஞர்கள் தாக்கினர். காவல்துறையினர் துப்பாக்கி சூடு நடத்தி கலவரத்தைக் கலைத்தனர்.
- குஜராத்தில் நடந்த போலி என்கவுன்டர்கள் தொடர்பாக விசாரிக்கும் கண்காணிப்பு குழுவின் தலைவராக உச்ச நீதிமன்ற முன்னாள் நீதிபதி பேடி மார்ச் 2 அன்று நியமிக்கப்பட்டுள்ளார். இவருக்கு குஜராத் அரசு ஒத்துழைப்பு தர வேண்டும், என்றும் இந்த குழு தனது இடைக்கால அறிக்கையை 3 மாதத் தில் தாக்கல் செய்யும்,என்று உச்சநீதிமன்றம் கூறியுள்ளது.
- “2 ஜி’ அலைக்கற்றை ஒதுக்கீடு விவகாரத்தில், உச்ச நீதிமன்றம் அளித்த தீர்ப்பு, மத்திய அரசின் கொள்கை முடிவில் தலையிடுவதாக அமைந்துள்ளது அதை மறு ஆய்வு செய்ய வேண்டும் என்று மார்ச் 2 அன்று மத்திய அரசு கோரியுள்ளது.
- தமிழ்நாடு சமையல் எரிவாயு சுமையுந்து சங்கத்தினர் பிப்ரவரி 29 முதல் காலவரையற்ற வேலை நிறுத்தத்தில் ஈடுபட்டனர். மார்ச் 8 வரை 9 நாட்கள் கடந்த நிலையிலும் பேச்சுவார்த்தையில் முன்னேற்றம் ஏற்படாமல் வேலைநிறுத்தம் தொடர்கிறது. இதனால் சமையல் எரிவாயு விநியோகம் பாதிக்கப்பட்டுள்ளது.
- உத்திரப்பிரதேசம், பஞ்சாப்,மணிப்பூர், உத்தரகாண்ட், கோவா ஆகிய 5 மாநில சட்டமன்றத் தேர்தல்களின் முடிவுகள் மார்ச் 6 அன்று வெளியாயின. உ.பி.யில் முலாயம் சிங்கின் சமாஜ் வாதிக் கட்சியும், பஞ்சாப்பில் மீண்டும் அகாலிதள்-பா.ஜ.க கூட்டணியும், மணிப்பூரில் காங்கிரசும், கோவாவில் பா.ஜ.க வும் ஆட்சியைக் கைப்பற்றின. உத்தரகாண்டில் காங்கிரசுக்கும், பா.ஜ.க.வுக்கும் இழுபறி நீடிக்கிறது.
.jpg)
- தட்கல் முறையில் விண்ணப்பித்த ஒரே நாளில் கடவுச்சீட்டு வழங்கும் திட்டம் மார்ச் 5 அன்று முதல் நடைமுறைக்கு வந்தது. அரசு ஊழியர் மற்றும் பொதுத்துறை பணியாளர்களுக்கு காவல்துறை விசாரணை தேவையில்லை எனவும் அறிவிக்கப்பட்டுள்ளது.
.jpg)
- விருத்தாசலம் பழமலை நாதர் கோவிலில் மார்ச் 3 அன்று கைலாய இசைக்கருவிகள் வாசிக்கச் சென்ற சிவனடியார்கள் தடுத்து நிறுத்தப்பட்டு காவல்துரையினரால் கைது செய்யப்பட்டனர். இவர்களுக்கு அரசின் இந்து சமய அறநிலையத்துறை அனுமதி மறுத்திருந்தது.
.jpg)
- ப்ளஸ் 2 பொதுத்தேர்வுகள் மார்ச் 8 அன்று தொடங்கின.தமிழகத்தில் 8 இலட்சத்து 22 ஆயிரம் மாணவ,மாணவியர் எழுதுகின்றனர்.
Sunday, January 19, 2025