இந்தியா – பிரான்ஸிடையே 7 ஒப்பந்தங்கள் டிச 6 இல் கையெழுத்-தாகியுள்ளன.
வேலை பார்க்கும் இடங்களில் பெண்களுக்குப் பாலியல் தொந்தரவு கொடுப்பதைத் தடுக்க, புதிய சட்டம் கொண்டு வருவதற்கான மசோதா பாராளுமன்றத்தில் டிச 7 இல் தாக்கல் செய்யப்பட்டுள்ளது.
அமெரிக்க ராணுவ, தூதரக ரகசியங்களை இணையதளத்தில் வெளியிட்டுவந்த விக்கிலீக்ஸ் நிறுவனர் ஜுலியன் அசாஞ்ச் லண்டனில் டிச 7 இல் கைது செய்யப்பட்டு, டிச 17 இல் ஜாமீனில் விடுவிக்கப்பட்டுள்ளார்.
வீனஸ் கோளினை ஆய்வு செய்வதற்கு ஜப்பான் அனுப்பிய அதத்சுகி (விடியல்) விண்கலம் டிச 7 இல் வீனசைச் சென்றடைந்-துள்ளது.
அயோத்தியில் பாபர் மசூதி இடிக்கப்பட்ட வழக்கு உ.பி. ரேபரேலியில் உள்ள சி.பி. அய் நீதிமன்றத்தில் டிச 8 இல் விசாரணைக்கு வந்தது. அஞ்சு குப்தா ஆஜராகாததால் ஜன 3க்கு ஒத்தி வைக்கப்பட்டுள்ளது.
கூடுதல் தலைமைத் தேர்தல் அதிகாரிகளாக பி.அமுதா, டி.ராஜேந்திரன் ஆகியோரை நியமித்திருப்பதாக தமிழக அரசு டிச 9இல் உத்தரவு வெளியிட்டுள்ளது.
இந்திய ராணுவ ஆராய்ச்சி மற்றும் மேம்பாட்டு ஆணையம் (டி.ஆர்.டி.ஓ) சார்பாக, அணு ஆயுதங்களை 2000 கி.மீ. தூரம்வரை சுமந்து சென்று தாக்கும் அக்னி 2 ஏவுகணையின் சோதனை டிச 10 இல் தோல்வியில் முடிந்துள்ளது.
அரியானா மாநிலம் ஹசார் என்ற இடத்தில் டிச 12 இல் நடைபெற்ற கூட்டத்தில் கலந்து கொண்ட அரியானா முதல்வர் பூபிந்தர்சிங் ஹீடா மீது இளைஞர் ஒருவர் ஷுவினை வீசியுள்ளார்.
அரவாணிகளை மற்றவர்கள் பிரிவில் சேர்க்கலாம் என்ற ஆலோசனைக் கமிட்டியின் பரிந்துரையை மத்திய அரசு டிச 13 இல் ஏற்றுக் கொண்டுள்ளது.
மழையினால் ஏற்பட்ட வெள்ளச் சேதங்களைப் பார்வையிடுவதற்கு மத்திய குழு டிச 16 இல் தமிழகம் வந்தது.
தமிழக மேல்சபைத் தேர்தலை எதிர்த்துத் தொடரப்பட்ட அனைத்து வழக்குகளையும் சென்னை உயர் நீதிமன்றம் டிச 16 இல் தள்ளுபடி செய்தது.
தமிழக அரசு நிர்ணயம் செய்த பள்ளிக் கல்விக் கட்டணம் செல்லும் என்று உச்ச நீதிமன்றம் டிச 16 இல் தீர்ப்பளித்துள்ளது.
இந்தியா, சீனா இடையேயான உறவை வலுப்படுத்தும் வகையில் 6 ஒப்பந்தங்கள் டிச 16 இல் கையெழுத்தாகியுள்ளன.
பொதுவிநியோக அட்டைகளை (ரேஷன் கார்டு) 2011 டிசம்பர் 31 ஆம் தேதிவரை உபயோகப்-படுத்த கூடுதல் தாள்களை இணைக்கும் பணி நவ 20 இல் தொடங்கியது.
