அறிவியல் கண்டுபிடிப்புகளின் வளர்ச்சிகளால் அந்தந்த காலங்களில் எளிய மக்களின் மிகச் சிறந்த தொடர்பு கருவிகள் வழக்கொழிந்து போய்விடுகின்றன. பெருவாரியான மக்கள் அதை ஏற்றுக் கொண்டாலும் சிலருக்கு உணர்வுமயமான விசயமாக தொடர்ந்து விடுகிறது.
வடமாநிலம் சென்ற தமிழ்நாட்டுப் பெண்ணுக்கு ‘கடிதம்’ _ எப்படிப்பட்ட சிந்தனையை; தாக்கத்தை; உணர்வை ஏற்படுத்தியது என்பதை நல்ல கதையம்சத்துடன்; உன்னதமான மனித உணர்வுகளையும் கலந்து பேசுகிறது இந்த ‘இப்படிக்கு’ குறும்படம். சிறந்த இயக்கம் என்று சொல்லத்தக்க அளவில் காட்சிகளும், காதாபாத்திரங்களின் தேர்வும்! நடிப்பும் அமைந்திருக்கிறது. இயக்குநர் சிவா இதை எழுதி இயக்கியிருக்கிறார்.
15:22 நிமிடங்கள் ஓடக்கூடிய இக்குறும்படத்தை youtube -இல் கண்டு மகிழலாம்.
– உடுமலை