ஆகஸ்ட் 16-31 – உண்மை இதழ் மாதமிருமுறை

முகநூல் பேசுகிறது

உண்மை — Mon, 18 Aug 2014 11:38:14 +0000

மடலோசை

உண்மை — Mon, 18 Aug 2014 07:49:05 +0000

உண்மை ஆகஸ்ட் 1-15 இதழில் வெளிவந்த செத்த மொழிக்குச் சிங்காரம் _ ஏன் என்ற கட்டுரை காலத்திற்கேற்ற கருத்துக் கருவூலம். சமஸ்கிருதம் பற்றிய பார்ப்பனர்களின் கருத்துகளை எடுத்துக்காட்டி அறிவு ஆசான் தந்தை பெரியாரின் கணிப்பினை எடுத்துக்காட்டியுள்ள விதம் அருமை! அணைகளின் இன்றியமையாமையை உணர்த்தும்விதத்தில் கல்லணையும் கற்கோவிலும் அமைந்திருந்தது. – எம்.ஏ.தயாளன், திருச்சி சதாம் வில்லனான விதத்தினை எரியும் எண்ணெய் பூமி என்ற தொடரின் மூலம் அறிந்துகொள்ள முடிந்தது. ஆம்பிளைக்கு உண்டா இந்த அட்வைஸ் ஆண் இனத்திற்கான சாட்டையடி […]

கல்கியின் பூணூல் வித்தை

உண்மை — Mon, 18 Aug 2014 07:48:27 +0000

என்னடா.. இது! கல்கிக்கு வந்த தமிழ்ப் பற்று! சமஸ்கிருத வாரத்திற்கு எதிர்ப்பு தெரிவித்துவிட்டாராம் ஜெயலலிதா. அந்தத் தியாகத்தை, போர்க்குணத்தைப் படம் போட்டுப் பெருமைப்படுகிறது கல்கி (3.8.2014). உங்க சோலையில இந்த மயிலையும் கொஞ்சம் ஆடவிடுங்க என்று மென்மையாக சமஸ்கிருத வாரத்தை நுழைத்து, வான்கோழியாகிய இந்தியைத் திணிக்கிறாராம். அதனால் தமிழ்ப்பூங்காவில் மோடி நுழைக்க வந்த இந்தியையும், சமஸ்கிருதத்தையும் அம்மையார் தடுக்கிறார். அதெல்லாஞ் சரி! அனை வருக்கும் தெரியும் என்பதால் ஆதரிக்க முடியாது என்ற நிலையில், இந்தியைத் திணிப்பு என்றும் […]

திரைப்பார்வை – உன் சமையலறையில்

உண்மை — Mon, 18 Aug 2014 07:47:38 +0000

எண்டமூரி வீரேந்திரநாத் எழுதிய தெலுங்கு நாவலை மய்யப்படுத்தி மலையாளத்தில், ஆஷிக் அபு இயக்கத்தில் 2011இ-ல் வெற்றிப் படமாய் வெளிவந்த சால்ட் அண்ட் பெப்பர் திரைப்படத்தின் மறுஆக்கமாக வெளிவந்திருக்கும் திரைப்படம் தான் உன் சமையலறையில். உன் சமையலறையில் திரைப்படத்தில் தமிழர்களின் உணவுச் சுவையுணர்வை மய்யப்படுத்தி அதன் ஊடே காதல் அரும்பச் செய்து சமூகப் பிரச்சினைகளை அலச முற்பட்டிருக்கிறார் திரைப்படத்தின் நாயகனும் இயக்குனருமான பிரகாஷ்ராஜ். இந்தப் பொறப்புதான் ருசிச்சுச் சாப்பிடக் கிடைச்சது என்கிற தலைப்புப் பாடலுடன் தொடங்குகிறது திரைப்படம். […]

அண்ணன் மோடியின் அடுத்த ஜீ பூம்பா…

உண்மை — Mon, 18 Aug 2014 07:46:06 +0000

ஆப்.கி.பார் டிராமா சர்க்கார் அண்ணன் மோடியின் அடுத்த ஜீ பூம்பா… ஒலகத் தலவரா அவதாரம் எடுக்கற அடுத்த முயற்சியில நம்ம அண்ணன் நேபாளம் போனது எல்லாருக்கும் தெரிஞ்சிருக்கும்… அங்க கோவிலுக்குப் போனாரு, ரோட்ல நடந்தாரு, அல்லாரையும் பாத்தாரு. இதெல்லாம் தாண்டி இன்னொரு சூப்பர் வேல செஞ்சாரு. அது என்னா? செண்டிமெண்டா அடிச்சாரு. எம்.ஜி.ஆர் நடிச்ச நாளை நமதே படத்த ரீரிலிஸ் பண்ணாரு. பல வருசம் முன்னாடி ஜீத்பகதூர்னு ஒரு பையன் அப்பா, அம்மாவ பிரிஞ்சி இந்தியா வந்துட்டான். […]

சீறு சுமந்த சாதிசனமே ஆறு கடந்தா ஸ்கூலு வருமே…

உண்மை — Mon, 18 Aug 2014 07:40:25 +0000

வளர்ச்சி... பெப்பே...ப்பே..

சீறு சுமந்த சாதிசனமே ஆறு கடந்தா ஸ்கூலு வருமே...

- லெனின் (முகநூலிலிருந்து)

வளர்ச்சி நாயகன் நரேந்திர மோடியை முதல்வர் பதவியிலிருந்து பிரதமர் பதவிக்கு புரமோஷன் தந்த குஜராத் மாநிலத்தில் நாள்தோறும் அரைமணி நேரம் தண்ணீரில் நீந்திப் பள்ளிக்குச் செல்கிறார்கள் நூற்றுக்கும் மேற்பட்ட மலைஜாதி மாணவ/-மாணவியர். சீர் சுமப்பதுபோல தங்கள் புத்தகங்களையும் சீருடைகளையும் தனித்தனிக் குடத்திற்குள் போட்டு, அவை நனையாமல் பத்திரமாக ஆற்றைக் கடந்து பள்ளிக்குச் செல்கிறார்கள்.

எரியும் எண்ணெய் பூமி – குறுந்தொடர் -3

உண்மை — Mon, 18 Aug 2014 07:30:26 +0000

தற்போது ஈராக்கில் என்ன நடந்து கொண்டிருக்கிறது? அய்எஸ்அய்எஸ் (Islamic State of Iraq and Syria) எனும் அமைப்பு, பாக்தாத்திற்கு வடமேற்கே உள்ள மோசுல் நகரத்தைப் பிடித்துவிட்டது. சிரிய எல்லைப்பகுதியில் உள்ள அன்பர் மாகாணத்தின் தலைநகர் திக்ரித்-தையும் பிடித்துவிட்டது. பகுபா, பைஜி நகரங்களில் கடும் சண்டை நடைபெறுகிறது. ஈராக்கியர் என்ற தோற்றத்தை ஏற்படுத்தும் நோக்கத்துடன், அபுபக்கர் அல்-பாக்தாதி என்று புனைபெயர் சூட்டிக்கொண்ட, இப்ராஹிம் அவ்வாத் இப்ராஹிம் அலி அல்-பட்ரி தலைமையில், மேற்கு ஈராக்கிலிருந்து, வடஆப்பிரிக்கா வரை […]

எது தமிழர் திருமணம்? (2)

உண்மை — Mon, 18 Aug 2014 07:22:50 +0000

நாளாம்! நாளாம்! திருநாளாம்!

- சு.அறிவுக்கரசு

பெண்ணுடன் உடல்உறவு கொள்வதற்கும் திருமணம் செய்து கொள்வதற்கும் தேவைப்பட்டால் பொய் சொல்வது குற்றமல்ல என்பது ஆரியர் பண்பாடு. ஆகவேதான் ஆயிரம் பொய் சொல்லியாவது கல்யாணம் செய் என்றே எழுதி வைத்திருக்கிறார்கள். இப்பேர்ப்பட்ட கேவலப் பண்பாடு தமிழர்க்கும் உடையதானது என்று ஆக்கிவைத்து விட்டார்கள். அவர்களது திருமண முறையையும் தமிழர் திருமணம் என்றாக்கி விட்டார்கள்.

ஆயிரங்காலத்துப் புன்னகை

உண்மை — Mon, 18 Aug 2014 07:14:03 +0000

- கோவி.லெனின்

காயத்ரி மந்திரத்தைச் சொல்லிக் கொண்டிருந்தாள் ஊர்மிளா. எதிர்வீட்டு கௌசல்யா போல அவளுக்கு ஸ்பஷ்டமாகச் சொல்ல வரவில்லை. பழக ஆரம்பித்து இரண்டு நாட்கள்தானே ஆகிறது, போகப்போக கௌசல்யா போல சொல்ல முடியும் என்ற நம்பிக்கை ஊர்மிளாவுக்குக் கூடிக்கொண்டே இருந்தது. அதைவிட, தன் அம்மாவின் உடல்நிலை விரைவில் சீராகிவிடும் என்ற எண்ணம் அவளுக்கு அதிகமாக இருந்தது.