இறச்சி புரதச் சத்துக்கு மாற்றாக வேறு சில தாவர உணவுமுறைகளைச் சொல்லி பலதரப்பட்ட தகவல்கள் முக்கிய நாளிதழ்களிலும் வாட்ஸ் அப்களிலும் வந்த வண்ணம் உள்ளன. இது உண்மை அல்ல.
புரதம் பற்றி ஒரு பார்வை..
புரதம் என்பது உடலின் செல்கள் & திசுக்கள் வளர்ச்சிக்கும், செயல்பாட்டிற்கும் மிக அவசியமான ஒன்று. புரதம் இல்லையெனில் சரியாகத் திசு வளர்ச்சி மற்றும் பழுதுபட்ட செல்களைச் சரிசெய்யும் பணி நடக்காது.
புரதம் உடலின் ஆற்றல் தேவைகளுக்கும் பங்களிக்கிறது (1g=4kcal). நமது உணவில் மாவுச்சத்து மற்றும் கொழுப்புச்சத்து இல்லாதபோது உணவில் உள்ள புரதத்தைச் சக்தியாகப் பயன்படுத்த உடல் முயலும். மாவுச்சத்து கொழுப்பு புரதம் இவை மூன்றும் தேவையான அளவில் இருப்பது நல்லது.
இதை ‘Protein sparring effect’ புரதச் சேமிப்பு விளைவு என்பார்கள்.
நாம் போதுமான அளவு கார்போஹைட்ரேட்டுகள் மற்றும் கொழுப்புகளை உட்கொள்ளும்போது, உடல் அவற்றை முதன்மை ஆற்றல் ஆதாரங்களாகப் பயன்படுத்திக் கொள்ளும். இதனால், புரதங்கள் அவற்றின் முக்கியப் பணிகளைச் செய்ய “சேமிக்கப்படும்”.
தசை வளர்ச்சி மற்றும் பழுதான தசைகளை உருவாக்குவதற்கும், உடற்பயிற்சிக்குப் பிறகு ஏற்படும் சேதங்களைச் சரிசெய்வதற்கும் புரதம் அவசியம். எடுத்துக்காட்டாக காயங்கள் ஏற்பட்டால் அந்தக் காயத்தை ஆற்ற புரதம் வேலை செய்து வெட்டுபட்ட அல்லது பாதிக்கப்பட்ட பகுதியில் புதிய தசைகளை வளர்த்து காயங்களை நிரப்புகிறது.
என்சைம்கள் மற்றும் ஹார்மோன்கள் உற்பத்தி உடலின் செயல்பாடுகளுக்குத் தேவையான என்சைம்கள் (நொதிகள்) மற்றும் ஹார்மோன்களை உருவாக்கப் புரதம் பயன்படுகிறது.
நோயெதிர்ப்பு சக்தி :
நோயெதிர்ப்பு மண்டலத்தின் ஆரோக்கியத்திற்கும், ஆன்டிபாடிகள் (antibodies) உற்பத்திக்கும் புரதம் முக்கியம்.
தோல், முடி, நகங்கள் மற்றும் பிற திசுக்களைப் பராமரிக்கவும், பழுதுபார்க்கவும் புரதம் தேவை.
கடுமையான உணவுக் கட்டுப்பாடு (Very Low-Calorie Diets – VLCDs):
உடல் எடையைக் குறைப்பதற்காக மிகக் குறைந்த கலோரிகளை உட்கொள்ளும் போது, உடல் ஆற்றலுக்காகத் தசைகளில் உள்ள புரதத்தைப் பயன்படுத்தத் தொடங்கும். இதைத் தவிர்க்க, போதுமான புரதத்தை எடுத்துக்கொண்டு, கார்போஹைட்ரேட் மற்றும் கொழுப்பைக் குறைக்கும் உணவுகள் “புரதச் சேமிப்பு விளைவை” ஊக்குவிக்கின்றன. இதன் மூலம் கொழுப்பைக் குறைத்து, தசைகளைப் பாதுகாக்க முடியும்.
போதிய ஆற்றல் உட்கொள்ளல்:
நாம் போதுமான கலோரிகள் (கார்போ
ஹைட்ரேட்டுகள் மற்றும் கொழுப்புகள் வடிவில்) எடுத்துக்கொள்ளும்போது, உடல் புரதத்தை ஆற்றலுக்காகப் பயன்படுத்துவதைத் தவிர்க்கிறது.
சுருக்கமாக, புரதச் சேமிப்பு விளைவு என்பது நமது உடல் புரதங்களை ஆற்றலுக்காகப் பயன்படுத்துவதைத் தவிர்த்து, அவை அவற்றின் அத்தியாவசியமான கட்டுமான மற்றும் பராமரிப்புப் பணிகளைச் செய்ய அனுமதிக்கும் ஒரு வழிமுறையாகும். போதுமான அளவு கார்போஹைட்ரேட்டுகள் மற்றும் கொழுப்புகளை உட்கொள்வதன் மூலம் இந்த விளைவை ஊக்குவிக்கலாம்.
புரதம் என்பது 20 அமினோ அமிலங்களால் ஆன தொகுப்பு.. அதில் 11 நமது உடலிலே உருவாகும் தன்மை உடையது.
அவை Non essential amino acids அத்தியாவசியமற்ற அமினோ அமிலங்கள் எனப்படும். மீதி 9 உணவில் இருந்து மட்டுமே கிடைக்கிறது. இவை Essential amino acids அத்தியாவசிய அமினோ அமிலங்கள் எனப்படும்.
இதில் ஹிஸ்டிடின் (Histidine) என்பது ஓர் அத்தியாவசிய அமினோ அமிலம் குழந்தைகளுக்கு மிக முக்கியம்.
மனித உடலால் ஹிஸ்டிடினை உற்பத்தி செய்ய முடியாது. எனவே, இதை நாம் உண்ணும் உணவில் இருந்துதான் பெற வேண்டும்.
புரதக் கட்டுமானம்:
அனைத்து அமினோ அமிலங்களைப் போலவே, ஹிஸ்டிடினும் புரதங்களின் கட்டுமான அலகுகளில் ஒன்றாகும். உடல் திசுக்கள், என்சைம்கள் (நொதிகள்), ஹார்மோன்கள் மற்றும் பிற முக்கியப் புரதங்களை உருவாக்க இது அவசியம்.
ஹிஸ்டமைன் உற்பத்தி:
ஹிஸ்டிடின், உடலில் ஹிஸ்டமைன் (Histamine) என்ற ஒரு முக்கியமான சேர்மத்தை உற்பத்தி செய்ய முன்னோடியாகச் செயல்படுகிறது. ஹிஸ்டமைன் பல செயல்பாடுகளில் ஈடுபடுகிறது, அவற்றுள் சில:
நோயெதிர்ப்பு:
ஒவ்வாமை (allergies) மற்றும் அழற்சி (inflammation) பகுதிகளில் முக்கியப் பங்கு வகிக்கிறது.
செரிமானம்:
இரைப்பையில் அமிலச் சுரப்பைத் தூண்டுகிறது.
நரம்பு மண்டலம்:
நரம்புக் கடத்தியாக (neurotransmitter) செயல்பட்டு, தூக்கம், விழிப்புணர்வு, நினைவகம் மற்றும் கற்றல் போன்ற செயல்பாடுகளில் ஈடுபடுகிறது.
நரம்பு பாதுகாப்பு
நரம்பு செல்களின் மைலின் உறை (myelin sheath) எனப்படும் பாதுகாப்பு உறையை உருவாக்கவும் பராமரிக்கவும் உதவுகிறது. மைலின் உறை நரம்புகளின் சமிக்ஞைகளை விரைவாகக் கடத்த உதவுகிறது.
உலோக அயனிப் பிணைப்பு: ஹிஸ்டிடின் சில உலோக அயனிகளுடன் (எ.கா: தாமிரம், துத்தநாகம்) பிணைக்கும் திறன் கொண்டது. இது சில என்சைம்களின் செயல்பாட்டிற்கு முக்கியமானது.
இரும்புச் சத்து உறிஞ்சுதல்:
உடலில் இரும்புச்சத்து உறிஞ்சுவதற்கு இது உதவுவதாக சில ஆய்வுகள் தெரிவிக்கின்றன.
ஆன்டிஆக்ஸிடன்ட் பண்புகள்:
இது ஓர் ஆன்டிஆக்ஸிடன்ட் (antioxidant) போலச் செயல்பட்டு, உடலில் உள்ள தீங்கு விளைவிக்கும் தீவிரப் புரதத்தை நடுநிலையாக்க உதவுகிறது.
இரத்தச் சிவப்பணு உற்பத்தி: இரத்தச் சிவப்பணுக்கள் (red blood cells) உற்பத்தியிலும் பங்கு வகிக்கிறது.
“நைட்ரஜன் இருப்பு” (Nitrogen Balance) என்பது ஒரு நபரின் உடலில் உள்ளெடுத்த நைட்ரஜனுக்கும் (நைட்ரஜன் உள்ளீடு), வெளி யேற்றப்பட்ட நைட்ரஜனுக்கும் (நைட்ரஜன் வெளியீடு) இடையிலான வேறுபாட்டைக் குறிக்கிறது.
நைட்ரஜன் என்பது புரதத்தின் ஒரு முக்கியக் கூறு என்பதால், நைட்ரஜன் இருப்பு என்பது உடலில் புரத வளர்சிதை மாற்றம் (protein metabolism) எவ்வாறு நடைபெறுகிறது என்பதற்கான ஒரு குறியீடாகும். நமது உடலில் உள்ள புரதத்தின் அளவு, இந்த நைட்ரஜன் இருப்பை வைத்துக் கணிக்கப்படுகிறது.
பொதுவாகக் கூறவேண்டுமென்றால் இவை அனைத்தும் முழுமையாகக் கிடைக்கவேண்டு மென்றால் உடலியக்கம் ஆரோக்கியமாகச் செயல்பட மிகச்சிறந்த புரத உணவு முட்டை மற்றும் மாமிசம்தான்.
எனவே, இறச்சி உடல் நலத்திற்குக் கட்டாயம். q